Брэсцкая мытня апошнім часам фіксуе імклівае павелічэнне колькасці «перачэпак»
Абумоўлены гэты працэс забаронай на перасоўванне польскіх прычэпаў і паўпрычэпаў па беларускай тэрыторыі.
На брэсцкім участку беларуска-польскай мяжы апошнім часам зафіксавана павелічэнне колькасці «перачэпак» грузаў. Пра гэта 24 ліпеня паведаміў партал Logist.Today са спасылкай на Дзяржпагранкамітэт Беларусі.
Паводле паведамленняў мытнікаў, колькасць «перачэпак» на брэсцкім напрамку павялічылася на 30% і цяпер складае 650 «перачэпак» на суткі. Яшчэ на пачатку месяца гэты паказчык складаў да 400 выпадкаў.
«Цяпер у пяці месцах брэсцкага рэгіёна такія аперацыі ажыццяўляюцца ў дачыненні да 785 грузавых транспартных сродкаў, застаюцца свабоднымі толькі 125 стаяначных месцаў», — паведамілі ў Дзяржпагранкамітэце Беларусі.
Адзначаецца, што асноўная прычына такога росту заключаецца ў забароне на перамяшчэнне па Беларусі польскіх прычэпаў і паўпрычэпаў, уведзеная рэжымам Лукашэнкі яшчэ ў лютым гэтага года.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары