«Брат ператварыўся ў анёла». Сёння Раману Бандарэнку магло споўніцца 34 гады
11 лістапада 2020 года ён выйшаў у свой двор, каб паразмаўляць з невядомымі, што прыехалі зразаць бел-чырвона-белыя стужкі на Плошчы Перамен, і больш дамоў не вярнуўся. Раман быў збіты, звезены ў Цэнтральнае РУУС, а адтуль у бальніцу, дзе на наступны дзень памёр ад шматлікіх траўмаў.
Трагедыя выклікала шок у тысяч людзей, смуткавала ўся краіна. Нягледзячы на шэраг незалежных расследаванняў, у верасні 2021 года Генпракуратура прыпыніла крымінальную справу па факце забойства Бандарэнкі: афіцыйныя органы не змаглі ўстанавіць асобу, датычную да злачынства.
За забойства хлопца так дагэтуль ніхто і не пакараны.
Стрыечная сястра Рамана Вольга Кучарэнка ў інтэрв'ю «Люстэрку» расказала, як яе дачка перанесла смерць любімага дзядзькі:
«Пра тое, што Рома памёр, яна даведалася ад цёткі Лены (Алена Сяргееўна — мама Рамана Бандарэнкі). Цётка патлумачыла Агаце, што брат ператварыўся ў анёла, і дачцэ стала цікава. У Польшчы мы вельмі шмат падарожнічаем па розных гарадах і, хочаш не хочаш, заходзім у касцёлы. Там ёсць іконы і карціны, прысвечаныя распяццю Хрыста. І ўсё гэта, як мне здаецца, яна пераварвае праз гісторыю роднага чалавека, якога больш няма побач. Яе цікавіць гісторыя Хрыста, што з ім адбывалася, а следам ідуць пытанні пра Рому: «А дзе ён? Ён сустрэўся з Богам?»
«Каб потым не было страшных сноў, стараюся тлумачыць усё як лёгкую, пазітыўную казку. Кажу, што ён стаў анёлам, што ён нас ахоўвае, дапамагае нам», — дадае Вольга.
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары
Як напамін папярєджанне будзь якой уладзе.
Свята кожнага як Асобы як Беларуса..