Сілавікі просяць беларусаў фатаграфаваць перамяшчэнні вайскоўцаў за мяжой — галоўны памежнік Літвы
Спецслужбы просяць беларусаў, якія выязджаюць за мяжу, фатаграфаваць перамяшчэнні вайскоўцаў на тэрыторыі суседняй дзяржавы. Пра гэта сёння заявіў кіраўнік Дзяржпагранслужбы Літвы Рустам Любаеў, піша Delfi.lt.
Рустам Любаеў. Скрыншот відэа Delfi.
«У нас таксама ёсць інфармацыя, што вядзецца вярбоўка грамадзян Літвы, а таксама просяць грамадзян Беларусі, якія едуць у Літву, зрабіць пэўныя фатаграфіі, зафіксаваць перамяшчэнне вайсковых частак на тэрыторыі Літвы, сфатаграфаваць пэўныя аб'екты», — сказаў генерал Любаеў.
Ён зноў падкрэсліў неабходнасць ацэнкі рызык пры паездцы літоўцаў у Беларусь.
«Кожнаму грамадзяніну Літоўскай Рэспублікі, які едзе ў Беларусь, нагадаю, што ён павінен ацаніць усе рызыкі, у тым ліку для свайго здароўя і жыцця», — падкрэсліў Рустам Любаеў.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам4
Каментары