П'яны магілёвец сабраўся ехаць да сяброўкі ў суседнюю краіну і ўзламаў для гэтага сем машын
У магілёўскую міліцыю звярнуліся ўладальнікі некалькіх аўтамабіляў, чые транспартныя сродкі пацярпелі ад рук невядомага. Хтосьці спрабаваў скрасці машыны, прыпаркаваныя ля дамоў, але кінуў іх адчыненымі, з пашкоджанымі дзверцамі.
Міліцыянты высветлілі, што сем аўтамабіляў узламаў 30-гадовы мужчына, які нідзе не працуе і раней быў судзімы за разбой.
Гэтым разам ён знаходзіўся ў стане алкагольнага ап'янення і перапісваўся са сваёй дзяўчынай, якая знаходзіцца ў суседняй краіне.
Калі яна адказала яму з невядомага нумара, мужчына прыраўнаваў сяброўку і вырашыў паехаць да яе, хоць ні правоў, ні пашпарта ў яго не было. У выніку ён узломваў машыны, але шэсць з іх завесці не змог, а ў сёмай заглух матор.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах54
Каментары