Сабаленка можа стаць першай ракеткай ужо на наступным тыдні. Пры адной умове
Заключны ў сезоне турнір «Вялікага шлема» — US Open — стартуе ўжо на наступным тыдні. Нават не па заканчэнні, а падчас яго могуць змяніцца першыя ракеткі свету ў мужчын і жанчын.
Прычым з мужчынамі прасцей. Новаку Джокавічу, каб вярнуць сабе першае месца і змясціць Карласа Алькараса, дастаткова выйграць у першым раўндзе. Розніца ў рэйтынгу паміж сербам і іспанцам складае 20 балаў (у Алькараса 9815 балаў, у Джокавіча 9795).
Таксама можа змяніцца і першае месца ў жаночым тэнісе. У полькі Ігі Свёнтак цяпер 9955 балаў, у нашай суайчынніцы Арыны Сабаленка — 8746.
Летась на US Open беларуска сышла з дыстанцыі ў паўфінале, саступіўшы якраз Свёнтак, якая ў выніку і стала чэмпіёнкай.
Пасля аднімання леташніх балаў (780 у Арыны і 2000 у Ігі) беларуская тэнісістка нават выйдзе наперад на 11 балаў — у яе будзе 7966, а ў полькі 7955.
А гэта значыць, што першае месца атрымае тая з іх, хто пройдзе далей хоць бы на адзін круг.
Пры роўнасці паказчыкаў (дапусцім адначасовы сход у паўфінале, як гэта было нядаўна на «тысячніку» ў Цынцынаці) першай ракеткай свету таксама стане Сабаленка, піша Championat.com.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары
[Складанае і дыскусійнае пытанне. Вы лічаце, што такія турніры варта асвятляць? -- вэб-рэдактар]
[Добра, улічым меркаванне -- вэб-рэдактар]