Былы кіраўнік расійскага Мінфіна абвінаваціў у падзенні рубля «завіслыя» індыйскія рупіі
Расійскі эканаміст Міхаіл Задорнаў, былы кіраўнік расійскага Мінфіна яшчэ ў часы Барыса Ельцына, напісаў у калонцы для выдання РБК, што прычынай цяперашняга моцнага падзення расійскага рубля могуць быць рупіі, якімі Індыя разлічваецца за пастаўленыя Расіяй энерганосьбіты.
«Яшчэ адна невідавочная прычына паслаблення — «завіслі» рупіі. Расія паставіла ў Індыю нафты і нафтапрадуктаў у першым паўгоддзі на 30 млрд даляраў, а наш імпарт з Індыі ацэньваецца прыкладна ў 6-7 млрд даляраў на год. Нам няма чаго купляць у Індыі, але мы не можам гэтыя рупіі вярнуць, паколькі рупія — неканверсоўная валюта.
30 млрд даляраў за паўгода — больш, чым усё станоўчае сальда бягучага рахунку», — адзначыў Задорнаў.
У чэрвені агенцтва Bloomberg пісала, што на рахунках расійскіх кампаній у Індыі штомесяц збіраецца да мільярда даляраў у рупіях.
Мінскія ўлады расказалі, як будуць змагацца з «акіянам аўтамабіляў» у дварах2
Каментары