З'явіліся спадарожнікавыя фатаграфіі пашкоджаных самалётаў на вайсковым аэрадроме каля Пскова
На здымках Planet Labs відаць, што пашкодзілі сама меней два самалёты тыпу Іл-76 у ноч з 29 на 30 жніўня.
На здымках Planet Labs відаць, што пашкодзілі сама меней два самалёты тыпу Іл-76 у ноч з 29 на 30 жніўня. Пасля аналізу спадарожнікавых здымкаў пашкоджанні самалётаў пацвердзіў авіяэксперт Анатоль Храпчынскі, да якога журналісты «Схем» звярнуліся па каментар.
«На спадарожнікавым здымку мы бачым, што пашкоджана паверхня каля крылаў, хутчэй за ўсё, дронамі спрабавалі трапіць у паліўныя бакі, якія знаходзяцца ў той частцы самалёта. Але і гэта ўсё роўна вывад самалёта на капітальны рамонт, які зойме мінімум 2-3 месяцы», ― растлумачыў Храпчынскі.
Таксама каля аднаго з самалётаў можна заўважыць два чырвоныя аўтамабілі, падобныя да пажарных, якія маглі прыцягнуць для тушэння пажару.
Гэты тып самалётаў пастаянна базуецца на аэрадроме Пскова. Самалёты з гэтага аэрадрома выкарыстоўвае 76-я гвардзейская дэсантна-штурмавая дывізія арміі РФ. Яна ж — «Пскоўская дывізія», адна з тых, што ўдзельнічала ў захопе Бучы ў пачатку поўнамаштабнага ўварвання.
Раней прадстаўнік Галоўнага ўпраўлення разведкі Андрэй Юсаў пацвердзіў знішчэнне чатырох і пашкоджанне яшчэ некалькіх расійскіх Іл-76 у Пскове.
Юсаў казаў пра чатыры пашкоджаныя самалёты.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары