У Крывым Рогу, радзіме Уладзіміра Зяленскага, зноў грымяць выбухі: горад падвергнуўся другому запар налёту дронаў-камікадзэ.
Збіты «Шахед». Ілюстрацыйнае фота. Паветраныя сілы Украіны
«Крывы Рог. Выбух. Нічога не здымаем і не выкладваем у інтэрнэт», — звярнуўся да мясцовых жыхароў праз тэлеграм кіраўнік гарадской адміністрацыі Аляксандр Вілкул.
Перад гэтым паветраныя сілы Украіны абвясцілі, што да горада набліжаецца група ўдарных дронаў.
У сярэдзіне ночы расійская армія ўжо наносіла па раёне Крывога Рога ўдар «шахедамі» і крылатымі ракетамі.
Ніякай інфармацыі пра наступствы першага і другога налётаў пакуль няма.
Расія з упартай пастаяннасцю наносіць удары па Крывым Рогу.
Каментары