Падлеткі знайшлі прабіты мяч, забралі яго і выкінулі. На іх завялі крыміналку
Пра выпадак распавядае газета «Навіны Палесся», іх артыкул перадрукаваў афіцыйны сайт Брэсцкага УУС.
«Таварышы з аднаго з населеных пунктаў раёна прыехалі ў райцэнтр, каб пазаймацца спортам. У нейкі момант ім кінуўся ў вочы футбольны мяч, які ляжаў за варотамі. Хоць ён быў прабіты, хлопцы вырашылі яго забраць з сабой. Паклалі ў заплечнік і адправіліся на прыпынак, а ўжо там выкінулі», — апісвае выпадак выданне.
Бацькі хлопчыка, у якога скралі мяч, звярнуліся ў міліцыю.
І міліцыя высветліла асобы дзяцей, узрост якіх не называецца ў артыкуле.
«Свой неабдуманы ўчынак маладыя людзі растлумачыць не змаглі, хоць з дзяцінства ведаюць, што браць чужое нельга», — піша выданне.
Хоць пацярпелым была кампенсаваная шкода, але па гэтым факце распачатая крымінальная справа.
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары