Сіноптыкі расказалі пра надвор'е на выходныя і панядзелак.
У суботу ўмовы надвор'я будуць вызначаць кантрасныя атмасферныя франты, на паўднёвы захад краіны прыйдзе цяпло. На большай частцы тэрыторыі дажджы, ноччу месцамі чакаюцца моцныя дажджы.
Уначы і раніцай на паўночным захадзе магчымы мокры снег. Вецер у асобных раёнах моцны парывісты.
Ноччу +1..+6°С, на паўднёвым захадзе краіны да +8°С; максімальная днём ад +4°С на поўначы да +12°С на поўдні краіны, у Брэсцкай вобласці +13..+18°С. У Брэсце +18°С.
У Мінску максімальная тэмпература чакаецца +6°С.
У нядзелю, 22 кастрычніка, на большай частцы тэрыторыі краіны пройдуць дажджы, ноччу на паўночным усходзе магчымы мокры снег. Ноччу ад +2°С на паўночным усходзе да +13°С на паўднёвым захадзе; максімальная днём ад +5°С на поўначы да +18°С на поўдні краіны.
У Мінску максімальная тэмпература будзе +11°С.
У панядзелак дажджы. Вецер днём месцамі моцны парывісты.
Ноччу +4..+10°С, у паўднёвых раёнах да +12°С; максімальная днём +6..+13°С, на поўдні да +15°С. У Мінску +12°С.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары