Грошы з Расіі ў Беларусь можна будзе хутка пераводзіць праз пошту
Паслуга Pos Transfer даступная больш чым у 30 000 аддзяленняў па ўсёй Расіі, гаворыцца на сайце «Пошты Расіі». Адзначаецца, што тэрміновыя пераводы бязадрасныя, іх можна забраць у любым аддзяленні «Белпошты», падлучаным да інтэрнэта.
«Пералічаная сума будзе даступная атрымальніку адразу пасля адпраўкі і выдаецца ў беларускіх рублях па курсе Нацыянальнага банка Беларусі. Для выдачы спатрэбіцца назваць унікальны нумар пераводу. Кошт паслугі складае 1,8% ад сумы. Перавод працуе і ў зваротным кірунку. У Расіі атрымальнік зможа забраць перавод у рублях паводле курсу ЦБ РФ на дату атрымання», — удакладняецца ў паведамленні.
Тэрміновы міжнародны паштовы перавод PosTransfer — аналаг банкаўскага пераводу праз аплатныя сістэмы.
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары