Старшыня Рэспубліканскай рады рэктараў устаноў вышэйшай адукацыі, рэктар БДУІР Вадзім Богуш патлумачыў, ад якіх параметраў залежаць выніковыя лічбы.
«У планавай калькуляцыі разліку кошту навучання студэнта БДУІР каля 90 працэнтаў выдаткаў складае менавіта заробак з налічэннямі. Таму карэкціроўка найперш абумоўлена ростам заробку педагагічных работнікаў універсітэта. Як вы разумееце, гэта вельмі важны момант для матывацыі супрацоўнікаў — ён адыгрывае далёка не апошнюю ролю, калі мы гаворым пра якасць адукацыі. Памер базавай стаўкі для аплаты працы быў павышаны ў верасні, у студзені наступнага года яна зноў вырасце. Павышэнне базавай стаўкі аказвае непасрэдны ўплыў на ўзровень заробку работнікаў бюджэтнай сферы: аклад, стымулы і кампенсуючыя выплаты», — сказаў Вадзім Богуш.
Каментары