Маразы адступяць, а снег стане «мокрым». Якім будзе надворʼе на наступным тыдні
Зіма паспела праявіць сябе багатымі снегападамі і маразамі, слупкі тэрмометраў у сярэднім паказвалі тэмпературу ніжэйшую за норму. Але на наступным тыдні ўсё зменіцца. Якога надворʼя чакаць беларусам на працягу наступных сямі дзён, у праграме «Метэагід» на АНТ расказаў сіноптык Дзмітрый Рабаў.
Паводле Дзмітрыя Рабава, на наступным тыдні ў Беларусь з Атлантыкі паступіць цёплае акіянічнае паветра. Маразы адступяць, а снег стане «мокрым». Чакаюць галалёд і туманы.
У пачатку тыдня атлантычны цыклон прынясе ў Беларусь воблачнае надворʼе, снег, месцамі — снег з дажджом. Вільготнасць да 90 працэнтаў. Уначы — ад -3⁰С да +3⁰С, днём у панядзелак ад -3⁰С да +1⁰С, у аўторак — каля 0⁰С.
У сярэдзіне тыдня пройдуць кароткачасовыя ападкі. Вецер паўднёвы, умераны. Вільготнасць да 90 працэнтаў. На асобных участках дарог слізка.
Уначы ў сераду ад -3⁰С да +2⁰С, днём — ад 0⁰С да -3⁰С.
У пачатку другой паловы тыдня чакаюцца ападкі рознай «ступені цяжкасці». Вільготнасць захаваецца. Месцамі магчымы туман. Вецер умераны. Днём у чацвер — ад 0⁰С да -6⁰С, у пятніцу — ад -1⁰С да -5⁰С.
У выхадныя дні пройдзе невялікі снег. Магчымы туманы. Вецер заходні, умераны. Уначы ад -9°С па ўсходзе да +2°С па захадзе, днём у суботу — ад 0°С да -8°С, у нядзелю — каля 0°С.
Каментары