Экс-паліцэйскі, імя якога праваахоўныя органы не называюць, быў затрыманы ў маі 2022 года.
У Харкаўскай вобласці экс-паліцэйскі, абвінавачаны ў перадачы ФСБ Расіі даных аб дыслакацыі УСУ, прысуджаны да пажыццёвага тэрміну, паведамляе «Украінская праўда».
Суд прызнаў яго вінаватым у дзяржздрадзе і захоўванні боепрыпасаў без прадугледжанага законам дазволу, прызначыўшы максімальнае пакаранне — пажыццёвае пазбаўленне волі з канфіскацыяй маёмасці.
Гэта першы такі прысуд у Харкаўскай вобласці ў дачыненні да прадстаўніка праваахоўных структур, адзначаюць у Офісе генеральнага пракурора Украіны.
Экс-паліцэйскі, імя якога праваахоўныя органы не называюць, быў затрыманы ў маі 2022 года.
Дзяржаўнае бюро расследаванняў Украіны паведаміла, што оперупаўнаважаны быў завербаваны супрацоўнікамі ФСБ Расіі з пачаткам поўнамаштабнага ўварвання з мэтай збору звестак аб ваеннай тэхніцы УСУ, блокпастах, месцазнаходжанні падраздзяленняў сілавых структур рэгіёну.
Па версіі следства, паліцыянт рэгулярна перадаваў сабраную інфармацыю расійскім спецслужбам праз інтэрнэт-месенджар.
У ягоным аўтамабілі пры затрыманні знайшлі незарэгістраваныя боепрыпасы.
Вялікая гутарка з Алінай Коўшык — пра інтэрв’ю з Падсасонным, скандал з Кулеем і рэформы на «Белсаце»1
Каментары