Тэарэтычна ад грыпу А (H1N1) можна прышчапіцца ў Мінску любому
У Беларусі пачалася вакцынацыя супраць грыпу А (H1N1).
Як паведаміла загадчык аддзялення імунапрафілактыкі Мінскага гарадскога цэнтра гігіены і эпідэміялогіі Ірына Глінская, першыя прышчэпкі супраць новага віруса былі зроблены 5 студзеня ў некаторых сталічных медустановах.
6 студзеня вакцынацыя праводзіцца ўжо ва ўсіх паліклініках Мінска.
Прышчэпкі робяцца расійскай вакцынай «Інфлювір», якая павінна быць уведзена двухразова. Найперш прышчэпку атрымліваюць работнікі арганізацый аховы здароўя і служб, якія забяспечваюць іх бесперапыннае функцыянаванне жыццёва важных сістэм (МНС, транспарт, ЖКГ і інш.).
«Калі з просьбай аб прышчэпцы звяртаецца хтосьці, хто не ўваходзіць у гэту групу, мы, як правіла, імкнемся не адмаўляць — вакцыны пакуль дастаткова»,
— адзначыла Глінская.
Паводле яе слоў, вакцынацыя праводзіцца бясплатна і працягнецца да 1 лютага.
Усяго ў Мінску за кошт сродкаў рэспубліканскага бюджэту плануецца прышчапіць прыкладна 60 тыс. чалавек.
Як паведамілі ў аддзеле гігіены, эпідэміялогіі і прафілактыкі Міністэрства аховы здароўя, у бліжэйшыя дні вакцынацыя супраць грыпу А (H1N1) пачнецца ў іншых гарадах Беларусі. Усяго за кошт сродкаў рэспубліканскага бюджэту закуплены 1 млн. доз «Інфлювіру» для вакцынацыі 500 тыс. чалавек.
Плануецца таксама закупіць дадатковую колькасць доз вакцыны супраць грыпу А (H1N1) за кошт сродкаў мясцовых бюджэтаў. Заяўкі на вакцыну прымае Гандлёва‑вытворчае рэспубліканскае ўнітарнае прадпрыемства «Белфармацыя».
Паводле апошніх звестак Міністэрства аховы здароўя, зараз у Беларусі захворванне на ВРВІ і грып ніжэйшае за эпідэмічны ўзровень.
Цяпер чытаюць
Лукашэнка пра вызваленне палітвязняў: Хочуць застацца ў Беларусі — калі ласка6
Каментары