Буйны перавозчык расказаў, што з аўтобусамі ў ЕС пасля закрыцця «Катлоўкі» і «Прывалкі»
1 сакавіка Літва закрыла на мяжы з Беларуссю пункты пропуску «Лаварышкі» («Катлоўка») і «Райгарад» («Прывалка»). Як праз два тыдні гэта адбілася на аўтобусах і цэнах на квіткі, прадстаўнікі сэрвісу «Атлас» расказалі Office Life.
Рэйсаў стала менш, а некаторыя маршруты змяніліся, кажуць у кампаніі. Напрыклад, з Гродна ў Польшчу аўтобусы зараз едуць толькі праз пункт пропуску «Брэст» («Тэрэспаль»). Пры гэтым большасць рэйсаў ідуць у Варшаву, а прамых аўтобусаў з Гродна ў Беласток стала менш.
У кампаніі адзначылі, што кошт квіткоў з Гродна вырас толькі да Беластока — дадаўшы 20 рублёў.
Паездкі з Мінска ў Варшаву падаражэлі з мінімальных 105 рублёў да 130 рублёў, а ў Вільню — плюс 20%, цяпер яны каштуюць ад 100 рублёў.
У кампаніі таксама адзначылі, што чэргі сапраўды выраслі. Так, у святочныя дні чаканне на мяжы можа заняць да сутак. Асабліва складана на польскім напрамку, дзе перавозчыкі здымаюць або дадаюць рэйсы ў залежнасці ад сітуацыі на мяжы.
У той жа час прамых рэйсаў з Беларусі ў Польшчу праз Літву цяпер няма, удакладнілі ў кампаніі «Атлас». Але многія пасажыры ўсё роўна едуць да Вільні ці іншых літоўскіх гарадоў, а там перасаджваюцца на аўтобус у Варшаву, Беласток або па іншых напрамках. Так яны разлічваюць выйграць час за кошт меншай чаргі і больш хуткага праходжання мяжы.
Антырэкорд з пачатку года: 3175 фур чакаюць уезду ў ЕС
«Аўтобус быў забіты як на Новы год». Як з паездкамі за мяжу пасля закрыцця двух прапускных пунктаў?
Грузавікоў шмат, легкавых мала. Што адбываецца на межах Беларусі праз тыдзень пасля закрыцця двух пунктаў пропуску
Як змянілася прапускная здольнасць на мяжы з Літвой пасля закрыцця двух пунктаў пропуску
На мяжы з Літвой пасля закрыцця двух памежных пераходаў сабраліся вялікія чэргі
Цяпер чытаюць
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты24
Каментары