Канцэрт у рамках сусветнага турнэ адбудзецца 7 сакавіка 2010 году ў Мінску на цэнтральнай пляцоўцы спартыўнага комплексу «Мінск-Арэна».
Канцэрт у рамках сусветнага турнэ адбудзецца 7 сакавіка 2010 году ў Мінску на цэнтральнай пляцоўцы спартыўнага комплексу «Мінск-Арэна».
Сусветнавядомы нямецкі гурт Rammstein пацвердзіў, што зайграе ў Беларусі. Гурт прывязе да нас свой новы альбом «Liebe ist fur alle da». У «Мінск-Арэне» немцы хочуць сабраць 15 тысяч гледачоў. Кошт квіткоў складзе ад 80 да 300 тыс. рублёў, у продаж яны паступяць 21 студзеня, паведамляе БелаПАН.
Перад гэтым пры канцы лютага гурт заспявае ў Санкт-Пецярбургу і Маскве, 4 сакавіка — у Рызе, 5 сакавіка — у Вільні, 9 сакавіка — у Кіеве.
Прыезд Rammstein у Беларусь стане працягам прыемнай традыцыі ўключэння нашай краіны ў графік сусветных турнэ гуртоў такога ўзроўню. Так, 31 жніўня 2009 года швейцарскі гурт Lacrimosa прэзентаваў у Мінску свой чарговы альбом «Sehnsucht», а 5 кастрычніка 2009 года ў беларускую сталіцу наведаліся The Prodigy з новай праграмай «Invaders Must Die».
Гурт Rammstein быў створаны ў студзені 1994 года. Rammstein паядноўвае традыцыі індастрыял-металу і нямецкай цяжкай музыкі. Амаль усе песні выконваюцца па-нямецку. Каманда праславілася сцэнічнымі шоу і эпатажнымі тэкстамі. Часам іх вінавацяць у неанацызме і блюзнерстве.
Каментары