Аляксандр Лукашэнка на нарадзе пра стан і задачы развіцця прамысловасці назваў сітуацыю з пасярэдніцтвам катастрофай і заявіў, што збіраецца правесці нараду па яго ліквідацыі.
«Трэба запланаваць нараду ў мяне — хай урад мне зробіць справаздачу па ліквідацыі пасярэдніцтва. Я ўжо дзесяць разоў пра гэта казаў: каб разам з губернатарамі прынялі рашэнні. Гэта катастрофа», — заявіў ён.
Адзін з аграрыяў, паводле слоў Лукашэнкі, нядаўна паскардзіўся, што купляе хімікаты і насенне ў Расіі, бо ў Беларусі з-за пасярэднікаў цана на іх утрая вышэйшая.
«І ў іх гэтых пасярэднікаў больш, чым трэба. Мы калісьці дамаўляліся. Дзесьці немагчыма абысціся без гэтых пасярэднікаў. Хай міністр прыме рашэнне, ён будзе несці адказнасць. Ці ён нейкую сістэму празрыстую ўсталюе, каб мы бачылі, што там адбываецца. Але гэтых пасярэднікаў трэба прыбіраць. Трэба рабіць самім. Гэта вялікі кавалак працы», — заявіў Лукашэнка.
Лукашэнка марыць пра тое, каб выключыць з беларускай эканомікі пасярэднікаў, шмат гадоў. На яго думку, гэта вырашыла б многія праблемы. 15 гадоў таму, 28 ліпеня 2009 года, была нават выдадзена пастанова Савета Міністраў № 991 «Аб некаторых пытаннях набыцця тавараў на тэрыторыі Рэспублікі Беларусь», паводле якой з 31 ліпеня 2009-га ў краіне фактычна быў забаронены аптовы перапродаж тавараў, а юрыдычным асобам закупкі дазвалялася рабіць толькі ў вытворцаў тавараў або іх афіцыйных прадстаўнікоў. Але гэтую пастанову праз некалькі дзён давялося адмяніць, паколькі яна ледзь не прывяла да калапсу ўсяго гандлю.
З таго часу настолькі рэвалюцыйных крокаў больш не рабілі, але мара Лукашэнкі пазбавіцца ад пасярэднікаў нікуды не дзелася, і ён час ад часу да гэтай тэмы публічна вяртаецца. Так, у 2021 годзе на УНС ён запатрабаваў пасярэднікаў «дашчэнту выкараніць», паставіўшы на месца тых, хто «жыруе на сялянах».
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары
И вообще постановка такого вопроса и есть результат всей жизни страны/стран от 1917 года.
Все мышление простецкие и глупые, так как кто мог думать и созидать были убиты или уехали.