Знакаміты галівудскі акцёр Дональд Сазерленд, лаўрэат прэмій «Эмі» і «Залаты глобус», памёр ва ўзросце 88 гадоў. Пра гэта паведаміў ягоны сын.
Вядома, што Саверленд памёр у Маямі пасля працяглай хваробы.
Дональд Сазерленд, акцёр канадскага паходжання, атрымаў вядомасць у канцы 1960-х і пачатку 1970-х гадоў дзякуючы ролям у фільмах «Брудны тузін» і «M*A*S*H».
Але ўвогуле ягоная кар'ера ахапіла мноства праектаў: ад драматычных трылераў, такіх як «Джон Кенэдзі» і «Зваротная цяга», да рамантычных камедый — напрыклад, фільма «Золата дурняў» з Кейт Хадсан і Мэцью Макконахі ў галоўных ролях.
Таксама Сазерленд атрымаў шырокую вядомасць пасля таго, як зняўся ў серыі фільмаў «Галодныя гульні».
Усяго Дональд Сазерленд сыграў у кіно больш за сто роляў, паспеўшы папрацаваць з класікамі сусветнага кінематографа, у прыватнасці — з Бернарда Берталучы і Федэрыка Феліні.
Дональд Сазерленд — лаўрэат прэмій «Эмі» і «Залаты глобус». У 2018 годзе яму ўручылі «Оскар» за выдатныя заслугі ў кінематографе.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары