Спачатку пераслед ідзе па праезнай частцы, потым электрасамакатчык заехаў на ходнікі і ехаў там, але і аўтамабіль ДАІ з уключанымі пробліскавымі маячкамі не адставаў.
За пагоняй назіралі здзіўленыя пешаходы, а некаторыя на ўсялякі выпадак адскоквалі ў бок. Урэшце відаць, як аўтамабіль ДАІ мякка блакуе ўцекача, паведамляе ABW.by.
Справа была ў мінулую нядзелю. На вуліцы Машынабудаўнікоў у Мінску інспектары ДАІ заўважылі, як па праезнай частцы рухаецца мужчына на электрасамакаце. На патрабаванні аб спыненні пешаход не адрэагаваў, а працягнуў рух па ходніках.
Інспектары паехалі за парушальнікам, уключыўшы спецыяльныя гукавыя і светлавыя сігналы і ацэньваючы бяспеку дарожнага становішча, а таксама верагодныя рызыкі. Мужчыну затрымалі.
«На гэты момант складзены адміністрацыйны матэрыял, электрасамакат канфіскаваны ў рамках адміністрацыйнага працэсу», — сказана ў паведамленні ДАІ.
ДАІ нагадала, што на сродках персанальнай мабільнасці дазволена перасоўвацца па веласіпеднай дарожцы, а пры яе адсутнасці — па тратуары, пешаходнай дарожцы альбо абочыне з хуткасцю не вышэй за 25 км/г, не ствараючы перашкод для руху іншых.
«А я думала, чаму кур'ер вёз маю піцу 15 сутак?», «Я так разумею, заказ з ДАІ забіраць цяпер?», «Калі дастаўка змянілася на самавываз?» — жартуюць у каментарах.
Хто тая Аліна, з якой Лукашэнка танцаваў гэтым разам на навагоднім балі18
Каментары