Банкам кіруе казахстанскі бізнэсоўца.
Новым старшынёй праўлення і галоўным выканаўчым дырэктарам БТА Банка стаў Аляксандр Цітоў. У сферы ён працуе больш за 30 гадоў, паведамляе прэс-служба банка.
З сакавіка абавязкі старшыні праўлення выконваў Дзмітрый Кулевацкі. Цяпер ён — намеснік старшыні праўлення.
Аляксандр Цітоў падчас працы ў банкаўскім сектары курыраваў не толькі карпаратыўны і рознічны бізнэс, міжнародныя адносіны і аперацыйную дзейнасць, але і развіваў рэгіянальную сетку.
У БТА Банку ён у тым ліку быў выканаўчым дырэктарам, намеснікам старшыні праўлення, а ў красавіку гэтага года стаў членам рады дырэктараў.
БТА банкам у Беларусі зараз кіруе казахстанскі бізнэсовец Султан Марэнаў. Пасля змены ўласніка ў банку казалі, што плануюць узмацніць кіроўную каманду і сфакусавацца на патрэбах кліентаў. Узялі курс на актыўную падтрымку прадпрыемстваў і прадпрымальнікаў, арыентаваных на рынкі Паўднёвай і Паўднёва-Усходняй Азіі.
Сёлета анансаваны рэбрэндынг банка.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома6
Каментары