У Столінскім раёне дзіця загінула, капаючы тунэль у пясчаным кар'еры
Падлетак каля аграгарадка Дубай у Столінскім раёне разам з таварышам цягам пяці дзён капаў тунэль у схіле пясчанага кар'ера і загінуў падчас абвалу.
«Дзеці адправіліся да тунэля, які яны капалі цягам пяці дзён у пясчаным схіле. Раптам пясок абваліўся і з галавой засыпаў адно дзіця, якое корпалася ў тунэлі. Другое спалохалася і пабегла ў вёску па дапамогу», — паведаміла УУС Брэсцкага аблвыканкама.
Дарослыя, якія прыбеглі на месца надзвычайнага здарэння, пачалі адкопваць хлопчыка, і можа ім удалося б яго ўратаваць, каб не паўторны абвал. У выніку хлопчык загінуў.
Каментары