На наведвальнікаў фестывалю на захадзе Германіі напалі з нажом. Мінімум тры чалавекі загінулі
Мінімум тры чалавекі загінулі, яшчэ восем параненыя ў выніку нападу невядомага з нажом на людзей, якія адзначалі Дзень горада ў Золінгене, піша Deutsche Welle.
Святкаванне 650-годдзя горада ў нямецкім Золінгене (федэральная зямля Паўночны Рэйн — Вестфалія) у пятніцу, 23 жніўня, абярнулася трагедыяй. У сярэдзіне прымеркаванага да памятнай даты «фестывалю разнастайнасці» на адной з цэнтральных плошчаў горада на прысутных напаў невядомы з нажом.
У выніку нападу, паводле звестак на 6.30 раніцы 24 жніўня, былі забітыя як мінімум тры чалавекі. Яшчэ восем чалавек атрымалі раненні, з іх пяцёра — цяжкія, паведамілі ў паліцэйскім упраўленні Дзюсельдорфа, у акруговым падпарадкаванні якога знаходзіцца Золінген.
Да моманту публікацыі паліцыя ўсё яшчэ працягвала пошукі злачынца.
Святкаванні, якія павінны былі працягнуцца да 25 жніўня, былі адмененыя, а грамадзян папрасілі пакінуць цэнтральныя раёны горада.
«Сёння ўвечары мы ўсе ў Золінгене ў шоку, жаху і вялікім смутку. Мы хацелі разам адсвяткаваць гадавіну нашага горада, а цяпер нам даводзіцца аплакваць загінулых і параненых. Маё сэрца разрываецца ад таго, што на наш горад быў здзейснены напад. У мяне наварочваюцца слёзы, калі я думаю пра тых, каго мы страцілі. Я малюся за ўсіх, хто ўсё яшчэ змагаецца за сваё жыццё», — пракаментаваў трагедыю обербургамістр Золінгена Цім Курцбах y сваёй старонцы ў фэйсбуку.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты6
Каментары
А как вы хотели. наводнили страну с дикими нравами и менталитетом и результат ждать не приходится. Надо понимать, что так будет регулярно. Дичь.