Каб апісаць Лукашэнку «беларускі Ютуб», прапаганда бліснула новай абрэвіятурай — OTT. Што яна значыць?
Гаворка ідзе пра тэрмін «платформа OTT», якім прапаганда назвала айчынны аналаг відэахостынга YouTube, запуск ягога мае адбыцца ў верасні.
Беларускі аналаг YouTube, які атрымаў назву videobel.by, будзе запушчаны ўжо 12 верасня. Пра гэта на нарадзе ў Лукашэнкі расказаў намеснік кіраўніка ягонай адміністрацыі Уладзімір Пярцоў.
«Відэахостынг videobel.by. Гэта наша першая OTT-платформа, на якой будуць размяшчацца праграмы і розныя рубрыкі. І нават пазаэфірныя актыўнасці стваральнікаў відэакантэнту. Калі хочаце, гэта дастаткова слабы аналаг, але такі першы крок да стварэння беларускага YouTube», — апісаў Лукашэнке Пярцоў.
Што азначае OTT?
Платформа OTT (over the top, ці «па-за межамі») — гэта інтэрнэт-сэрвіс, у якім кантэнт і паслугі пастаўляюцца на смартфоны, камп'ютары, смарт-тэлевізары і іншыя прылады карыстальнікаў напрамую.
Прасцей кажучы, гэта сэрвіс, які амаль не залежыць як ад дзяржаўных і прыватных правайдэраў сувязі, так і ад спадарожнікавай або кабельнай перадачы даных у краіне. Тыя проста перадаюць кантэнт ад OTT-сэрвісу да карыстальнікаў, ніяк на яго не ўплываючы.
Videobel.by не будзе першай беларускай OTT-платформай. Напрыклад, «Вока» ад А1 цалкам адпавядае гэтаму статусу. На ім можна паглядзець тэлеканалы, але можна і абраць фільмы з каталога, і знайсці спартыўныя трансляцыі.
Сусветныя вядомыя відэасэрвісы кшталту Netflix — таксама OTT-платформы. Яны працуюць незалежна ад дзяржавы. Калі тая захоча знізіць хуткасць інтэрнэту для зрыву працы сэрвісу, то ён аўтаматычна прыстасоўваецца і працягвае перадачу кантэнту карыстальнікам, хай і ў дрэннай якасці.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію84
Каментары
Вось цікава, дзе той ТВ канал для ўсіх беларусаў, які вы так піярылі: https://nashaniva.com/ru/326935 ?
Грошы папілілі і гуляй рваніна, як заўсёды, так?
Оболваниваем Теперь Тут?
Отслеживаемый Тертелем Трафик?
Отведай, Таракан, тапка!