На сталічным праспекце Пераможцаў з'явілася кавярня, натхнёная знакамітай гісторыяй пра «хлопчыка, які выжыў». Інтэр'ер установы дакладна перадае моманты з фільмаў па кнігах Джаан Роўлінг: тут ёсць і лятучыя мётлы, і чароўныя палачкі, платформа 9 3/4, мандрагоры, якія крычаць, і многае іншае, піша «Анлайнер».
Па словах уладальніцы кавярні, яна хацела стварыць «утульнае месца», куды магла б прыйсці ўся сям'я і спакойна «акунуцца ў атмасферу».
Таццяна расказала, што яны з мужам перагледзелі «мноства памяшканняў», але належнае выбралі не адразу. Дызайн ствараўся ўласнымі сіламі: ад афармлення і мэблі да посуду і рэкламных матэрыялаў.
У асартыменце ўстановы — аўтарскія дэсерты, кава і, вядома, вяршковае піва. Аднак безалкагольнае.
Каментары