Маск пайшоў з козыраў: кожны дзень да выбараў будзе разыгрываць мільён даляраў
Ілан Маск паабяцаў разыгрываць па адным мільёне даляраў кожны дзень да прэзідэнцкіх выбараў сярод выбаршчыкаў у Пенсільваніі, якія падпішуць яго петыцыю ў абарону першай і другой паправак да Канстытуцыі ЗША. Пра гэта ён заявіў на перадвыбарным мерапрыемстве ў штаце Пенсільванія ў падтрымку рэспубліканца Дональда Трампа.
Петыцыя апублікавана на сайце заснаванага Маскам камітэта America PAC, які займаецца падтрымкай Трампа.
У ёй выбаршчыкам прапануецца падтрымаць першую і другую папраўкі да амерыканскай Канстытуцыі — у падтрымку пунктаў, якія тычацца свабоды слова і права на нашэнне зброі.
«Адна з праблем, з якой мы сутыкаемся, палягае ў тым, як нам данесці да людзей інфармацыю аб гэтай петыцыі? Бо традыцыйныя СМІ не жадаюць паведамляць пра гэта. Вы ведаеце, не ўсе падпісаны на [мяне ў сацсетцы] X. І я падумаў, як нам данесці да людзей інфармацыю аб гэтым? Думаю, гэтая навіна выкліча сапраўдны ажыятаж», — сказаў Маск.
Пасля гэтага мільярдэр абраў з залы аднаго з гледачоў і ўручыў яму чэк на мільён даляраў, паведамляе The Hill.
The Hill адзначае, што раней Маск паабяцаў выдзяляць выбаршчыкам у «вагальных» штатах па 47 даляраў за падпісанне петыцыі. Для жыхароў Пенсільваніі ён павялічыў гэтую суму да 100 даляраў.
Паводле The New York Times, федэральны закон кваліфікуе як злачынства плату за ўдзел у галасаванні ці рэгістрацыю для ўдзелу ў галасаванні. Аднак плаціць выбаршчыкам за падпісанне петыцыі не лічыцца парушэннем закону ў ЗША. Акрамя таго, тыя, хто падпіша петыцыю, могуць стаць мэтай America PAC для агітацыі за Трампа.
Выбары прэзідэнта ЗША пройдуць 5 лістапада. Пенсільванія — адзін з найважнейшых штатаў для Дональда Трампа і яго саперніцы ад Дэмакратычнай партыі Камалы Харыс у прэзідэнцкай гонцы, піша «Медуза».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы20
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары
ён што - незалежны мо нат ад грошаў ?