Следчыя змаглі знайсці забойцу мытніка, цела якога знайшлі ў Гомелі ў 2002 годзе
14 красавіка 2002 года ў раёне пуцеправода, які тады будаваўся, на гомельскай вуліцы Хатаевіча. знайшлі цела супрацоўніка гомельскай мытні. Тады знайсці забойцу не ўдалося, але справу так проста не пакінулі. Праз 20 гадоў, вывучаючы матэрыялы па забойстве, следчыя выявілі сувязь злачынства 2002 года з двума забойствамі жыхарак Гомеля ў 1997-м, піша БелТА.
Крымінальныя справы аднавілі вясной 2024-га. За час следства правялі больш за дзвесце допытаў удзельнікаў працэсу, вочныя стаўкі, больш за дваццаць вымання дакументаў і ператрусаў. Акрамя таго, правялі звыш сямідзесяці розных экспертыз.
Гомельскія следчыя працавалі амаль па ўсёй краіне. У выніку ім удалося выйсці на грамадзяніна Арменіі і выставіць яму абвінавачванні. Пры гэтым былі сабраныя неабвержныя доказы таго, што менавіта ён забіў мытніка.
Акрамя таго, армяніна і ягонага знаёмага з Гомеля абвінавацілі ў згвалтаванні і забойстве 19-гадовай дзяўчыны, крадзяжы яе маёмасці, а таксама разбойным нападзе на састарэлую гамяльчанку і яе забойстве. Гэта тыя самыя злачынствы з 1997 года.
Таксама следчыя змаглі даказаць дачыненне гамельчука да здзяйснення шэрагу распусных дзеянняў у дачыненні да непаўналетняга і малалетніх, вырабу і распаўсюджванню парнаграфічных матэрыялаў.
Мінскага крымінальнага аўтарытэта падазраюць у забойстве 27-гадовай даўніны і педафіліі. І нават трошкі ў палітыцы
У Віцебску раскрылі двайное забойства валютчыкаў 25-гадовай даўніны
У Магілёве раскрылі забойства 24-гадовай даўніны. Фігурантам пагражае смяротнае пакаранне
У Полацку раскрылі забойства, здзейсненае ў 2001 годзе. Дапамог недакурак
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары