Гіганцкі асетр напаў на расійскую сінхраністку ў Кітаі падчас воднага шоу ВІДЭА
Расійская плыўчыха-сінхраністка Марыя Зяленіна сутыкнулася з сапраўдным кашмарам падчас выступу на шоу ў Кітаі. Велізарны асетр, праплываючы побач, схапіў яе за галаву, нанёсшы траўмы, піша «Спорт-экспресс».
22-гадовая Марыя родам з Сарапула ва Удмуртыі уладкавалася на працу ў Кітаі ў акіянарыум у правінцыі Юньнань, дзе выконвае ролю русалкі ў асяроддзі розных рыб. Але 28 студзеня дзяўчына трапіла ў вельмі непрыемную сітуацыю.
Падчас шоу гіганцкі кітайскі асетр раптам напаў на Марыю. Рыбіна схапіла яе за галаву, сарвала акуляры, падрапала твар і нават праглынула насавыя зажымы. Усё выглядала так, быццам ідуць здымкі фільма жахаў.
Марыя на імгненне страціла арыентацыю ў вадзе і толькі дзякуючы вопыту здолела спрытна выбрацца з акварыума.
Пасля нападу Зяленіна некаторы час знаходзілася ў шокавым стане. Лекары зафіксавалі ў яе пашкоджанні шыі і вачэй. Кіраўніцтва акіянарыума выплаціла дзяўчыне кампенсацыю ў памеры 700 юаняў (каля 100 даляраў), а таксама прыбрала ўсіх рыб з акварыума.
Кітайскія працадаўцы паспрабавалі замяць гісторыю, забараніўшы Марыі расказваць пра інцыдэнт. Але інфармацыя хутка распаўсюдзілася па сацсетках.
Напад велізарнай рыбы — не частая, але і не адзінкавая з'ява. У Кітаі ўжо былі выпадкі падобных паводзін акварыўмных насельнікаў, асабліва ў стрэсавых сітуацыях.
Прычын таму можа быць некалькі. Першая — аб'ект, які рухаецца, выклікаў у асятра раздражненне, у выніку чаго ён праявіў агрэсію. Пры гэтым сур'ёзных пашкоджанняў такая рыбіна нанесці не можа, паколькі ў яе няма зубоў.
Акрамя таго, напад рыбы можа быць звязаны з голадам альбо ў яе могуць быць гарманальныя змены з-за ўплыву умоў надвор'я.
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!3
Каментары