У агульнарэспубліканскім банку вакансій нядаўна з'явілася адразу некалькі вакансій з заробкам звыш 20 тысяч рублёў. Заробак у раёне 20 тысяч рублёў абяцаюць інжынерам-праграмістам і праграмістам. Вакансіі размясціла кампанія ТАА «ФлексіТэч».
Таксама кампаніі патрэбныя тэсціроўшчыкі, сістэмныя аналітыкі і кіраўнік праекта. Усяго ў кампаніі было заяўлена 22 вакансіі. Напрыклад, тэсціроўшчыку гатовыя плаціць ад 13 660 да 15 360 рублёў, кіраўніку праекта — ад 14 340 да 22 190 рублёў.
Адзначым, што сярэдні заробак па выніках снежня з сферы інфармацыі і сувязі склаў каля 7,4 тысяч рублёў.
Што вядома пра гэтага наймальніка? Гэта расійская IT-кампанія. Яна аказвае шырокі спектр паслуг — ад распрацоўкі праграмнага забеспячэння да кансалтынгу і аўтаматызацыі, а таксама займаецца распрацоўкай сайтаў (ад лаканічных візітовак да шматфункцыянальных інтэрнэт-крам) і мабільных дадаткаў.
У Беларусі пра кампанію вядома няшмат, юрыдычная асоба была зарэгістраваная ў верасні 2024 года. Від дзейнасці паказаны як «кансультацыйныя паслугі ў галіне камп'ютарных тэхналогій».
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары