«Сітуацыя нармалізуецца не раней за восень». Офіс Ціханоўскай плануе перамовы з Літвой наконт аўтобусаў
Днямі рэзка скарацілася колькасць аўтобусаў, якія ходзяць паміж Літвой і Беларуссю. Галоўны дарадца Святланы Ціханоўскай Франак Вячорка паведаміў тэлеканалу «Белсат», што Офіс плануе перамовы з Вільняй, каб «захоўваць як мага больш рэйсаў».
«На жаль, гэтае скарачэнне рэйсаў, хоць і часовае, закране сотні беларусаў. Гэта адчувальна асабліва ў пік летняга сезону, калі многія беларусы выязджаюць за мяжу», — канстатаваў Франак Вячорка.
«Мы з 2022 года працуем над тым, каб было як мага больш аўтобусных рэйсаў. І сапраўды, за апошні час колькасць рэйсаў сягала аж да 30—40, нават 50-ці на дзень. Гэта больш чым было дазволена Літвой. Вырас і агульны аб'ём руху праз мяжу: агулам у год беларуска-літоўскую мяжу мінаюць 1,5 млн пасажыраў. Гэта шмат», — адзначыў ён.
Вячорка лічыць, што галоўная прычына пільнай увагі літоўскага боку да аўтобуснага руху — бяспека:
«Гаворка не толькі пра беларусаў, але і пра літоўцаў, якія едуць у Беларусь. Думаю, менавіта бяспека — прычына, чаму Літва спрабуе зарэгуляваць пасажыраперавозкі цяпер».
Вячорка паведаміў пра планы правесці перамовы з Літвою наконт аўтобусных рэйсаў:
«Думаю, сітуацыя нармалізуецца не раней за восень. Ніякага спынення аўтобусных перавозак не плануецца, але, хутчэй за ўсё, частка рэйсаў, якія ездзілі «ў шэрую», будзе ўсё ж адмененая. Мы ўвосень плануем правесці паглыбленыя перамовы з літоўскім бокам, каб абмеркаваць, як зрабіць так, каб захоўваць як мага больш рэйсаў».
Ён паабяцаў «рабіць усё магчымае», каб пасажырскае злучэнне Беларусі з краінамі ЕС не спынілася.
«На сёння застаецца да 20 рэйсаў на дзень. Гэтага, вядома ж, мала для піку сезону. Але да восені, думаю, сітуацыя нармалізуецца. Мы будзем рабіць усё магчымае, каб пасажырскае злучэнне паміж Беларуссю і Еўрасаюзам захоўвалася», — адзначыў Франак Вячорка.
Ён таксама запэўніў, што не засталіся без увагі і планы Латвіі абмежаваць аўтобусны рух з Беларуссю:
«Будзем высвятляць таксама. Там рэйсаў нашмат менш. Але дапускаю, што асноўная прычына — таксама бяспека. І сярод іншага — абмежаваць плынь жыхароў Латвіі, якія едуць у Беларусь, асабліва пасля арыштаў латвійскіх грамадзян у Беларусі».
Як паведамлялася, у Латвіі ўжо падрыхтавалі праект урадавай пастановы пра забарону з 15 кастрычніка нерэгулярных (іх яшчэ называюць турыстычнымі) аўтобусных рэйсаў у спалучэннях з Беларуссю і Расіяй.
Аўтобус з Вільні ў Мінск не прапусцілі праз мяжу, пасажыры дабіраліся самі
Аўтобусныя рэйсы Вільня — Мінск: Літва скарачае колькасць маршрутаў — у чым прычына?
«Не звязана з вайсковымі вучэннямі». Мінтранс Літвы пракаментаваў скасаванне рэйсаў з Беларусі
«Не выпускае Літва». Чаму перавозчыкі масава адмянілі аўтобусы паміж Мінскам і Вільняй?
Як цяпер дабрацца з Мінска да Вільні, калі прамых рэйсаў стала ў разы менш?
«Мінсктранс» адмяніў некаторыя аўтобусы Мінск — Вільня
Каментары
В августе в Европу возвращаются люди после отпусков ,каникул и тп.
По факту ,это много европейских паспортов и внж .
И вернице проезд байкеров чз границу,а то пацаны задолбались кругаля давать!