Як паведамілі ў прэс-службе Мінгарвыканкама, яго старшыня Уладзімір Кухараў правёў нараду з удзелам спецыялізаваных службаў і прадстаўнікоў РУП «Белтэлекам». Падчас яе абмеркавалі праекты па кантролі якасці жыллёва-камунальных паслуг і захаванні правілаў паркоўкі.
Праблема недахопу парковак у Мінску ўздымаецца не ўпершыню. У красавіку 2025 года ў Мінгарвыканкаме паведамлялі, што ў горадзе зарэгістравана ўжо 900 тысяч аўтамабіляў, а штодня ў Мінск заязджае каля 200 тысяч машын. Кухараў падкрэсліваў, што гэта стварае вялікую нагрузку, таму робяцца значныя інвестыцыі ў развіццё гарадскога грамадскага транспарту, працягваецца будаўніцтва метрапалітэна.
Цяпер жа ён заявіў:
«Колькасць зарэгістраваных аўтамабіляў у Мінску набліжаецца да мільёна. Актуальным застаецца пытанне бесперашкоднага перамяшчэння транспарту, асабліва ў цэнтры горада. Вырашыць гэтую задачу можна пры дапамозе новых тэхналогій і відэаназірання ў прыватнасці».
Ён таксама адзначыў, што людзі, якія едуць у цэнтр на аўтамабілі, павінны разумець, што машыны трэба дзесьці пакідаць. Але на сённяшні дзень улада не можа стварыць дастатковую колькасць парковачных месцаў і новых паркінгаў.
Цяпер чытаюць
Памілаваныя 15 чалавек, сярод якіх 13 палітвязняў11
Каментары