На мінулым тыдні вайскоўцы Літоўскай арміі паставілі перашкоды для ўмацавання абароны мяжы на дарогах, што не выкарыстоўваюцца, каля памежных кантрольных пунктаў з Беларуссю і Калінінградскай вобласцю Расіі. Гэта частка запланаваных контрамабільных мер, накіраваных на Балтыйскую абарончую лінію.
«Усталяваныя перашкоды — гэта толькі частка вялікай інтэграванай карціны. Мы пачынаем з тактычнага ўзроўню — канкрэтных перашкод на мяжы, а потым увесь інжынерны сцэнар мы аб’яднаем у адну канцэптуальную сістэму», — сказаў камандзір Літоўскай арміі генерал Раймундас Вайкшнорыс.
Для перашкод былі выкарыстаны «драконавыя зубы», якія на невыкарыстоўваемых памежных кантрольных пунктах былі ўсталяваны на дарогах, а на тых, што выкарыстоўваюцца, размешчаны ў лёгка даступных месцах побач з дарогамі, каб пры неабходнасці іх можна было хутка выкарыстаць.
Ставячы перашкоды на дарожных канструкцыях, ніякія змены не былі ўнесены, таму стан дарогі не зменіцца, нязручнасцяў для жыхароў таксама не будзе, бо фізічныя перашкоды ёсць толькі на дарогах, што не выкарыстоўваюцца.
Яны ўжо ёсць Шумску, Лаварышках, Райгардасе, якія зараз закрытыя,, а таксама на невыкарыстоўваным пункце Раманішкі з Расіяй і ў некаторых іншых мясцінах.
Работы па абмежаванні праходнасці невыкарыстоўваемых дарог каля памежных кантрольных пунктаў з’яўляюцца планавымі, гэта частка будучай Балтыйскай абарончай лініі — доўгатэрміновага плана мер для ўсіх Балтыйскіх краін і Польшчы, які зніжае пагрозу наземнага ўварвання і абмяжоўвае магчымыя дзеянні варожых дзяржаў на сушы, зазначаюць у Літоўскай арміі.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары