Літоўскія ўлады адмаўляюць, што баявы дрон, які ўпаў у Літве, запусцілі з Беларусі
Літоўскі Нацыянальны цэнтр кіравання крызісамі (НЦКК) абвергнуў інфармацыю, якая з’явілася ў СМІ, што беспілотнік, які ў канцы ліпеня ўпаў у Літве, быў запушчаны з тэрыторыі Беларусі, паведамляе LRT.
Пра запуск дрона з Беларусі паведамляў партал Delfi, спасылаючыся на ананімныя крыніцы, паводле слоў якіх гэта была спецыяльная аперацыя для праверкі баяздольнасці літоўскай сістэмы СПА і псіхалагічнага ціску.
Афіцыйна ні Міністэрства абароны, ні армія Літвы такую версію не пацвердзілі.
У канцы ліпеня літоўская паліцыя паведамляла: у Літву з Беларусі заляцеў невядомы дрон, які ўрэшце быў знойдзены на палігоне ў Янаўскім раёне. Ён меў прымацаваны выбуховы зарад вагой каля двух кілаграмаў.
Раней, 10 ліпеня, таксама быў зафіксаваны падобны інцыдэнт — у паветраную прастору Літвы з Беларусі заляцеў беспілотнік «Гербера». Паводле інфармацыі службаў, ён небяспекі не ўяўляў, але расследаванне гэтага інцыдэнту працягваецца дагэтуль.
У сваім каментары НЦКК заявіў, што наяўныя на сённяшні дзень вынікі расследавання дазваляюць трымацца першапачатковай версіі: дроны былі запушчаныя Расіяй у бок Украіны, а ў Літву трапілі выпадкова. Генпракуратура вядзе расследаванне разам з нацыянальнымі і міжнароднымі партнёрамі, каб яно было максімальна аб’ектыўным і поўным.
НЦКК таксама адзначае, што распаўсюджванне неафіцыйных і ананімных інтэрпрэтацый у СМІ ўводзіць грамадства ў зман.
Баявы дрон, які ў канцы ліпеня праляцеў над Вільняй, запускаўся з Беларусі
У аэрапорце Вільні з-за дрона затрымалася пасадка самалёта з прэзідэнтам Літвы
Прылёт дрона з Беларусі ў Літву расследуюць як эпізод ваенных злачынстваў
Літва накіравала Беларусі ноту пратэсту з-за інцыдэнту з дронам
НАТА «ўважліва сочыць за сітуацыяй» з дронам у паветранай прасторы Літвы
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары