Закрыццё беларуска-польскай мяжы заблакавала больш за 130 цягнікоў з Кітая ў Еўропу
Закрыццё мяжы закранула больш за 130 грузавых цягнікоў у чыгуначным спалучэнні Кітай — Еўропа. Пра гэта паведамляе Yicai са спасылкай на даклад кампаніі New Silk Road Intermodal Sichuan.
«Ва ўсіх нашых калег, якія працуюць на чыгуначным экспрэсе «Кітай — Еўропа», ёсць грузавыя цягнікі, якія адправіліся пасля 12 верасня. Некаторыя ўжо прыбылі ў Брэст і чакаюць мытнага афармлення, а іншыя ўсё яшчэ ў дарозе», — цытуе выданне Тана Цінціна, памочніка гендырэктара кампаніі.
Па інфармацыі Супольнасці чыгуначнікаў Беларусі, на мяжы цяпер адстаўленымі ад руху стаяць 30‑35 з гэтых цягнікоў.
Кампаніі, якія ажыццяўляюць чыгуначныя перавозкі паміж Кітаем і Еўропай, ужо прынялі шэраг мер, якія ўключаюць часовае прыпыненне руху цягнікоў, перанакіраванне іх у Санкт-Пецярбург, каб далей забяспечыць дастаўку морам, а таксама павялічылі колькасць цягнікоў па паўднёвай лініі маршруту ў Еўропу, якая пралягае праз Казахстан, Азербайджан і Грузію, а затым праз Чорнае мора ці Турцыю.
Польшча ўначы з 11 на 12 верасня закрыла мяжу з Беларуссю ў адказ на гібрыдныя атакі і правакацыі Мінска. Гэта выклік для Пекіна: гандаль Кітая з Еўрасаюзам у значнай ступені ідзе праз беларускія транспартныя калідоры.
Міністр замежных спраў Польшчы Радаслаў Сікорскі заявіў, што польскі бок адкрые мяжу, калі Кітай дапаможа ў вырашэнні праблем з Беларуссю.
Аляксандр Лукашэнка назваў закрыццё Польшчай мяжы з Беларуссю недружалюбным палітычным крокам, скіраваным супраць Кітая. Пра гэта ён заявіў 22 верасня на сустрэчы з членам Пастаяннага камітэта Палітбюро ЦК Камуністычнай партыі Кітая Лі Сі.
-
«Паліць нафтаперапрацоўчыя заводы». Кіт Келаг параіў, што трэба рабіць Украіне пасля папярэджанняў Трампа
-
У Францыі хакеры ўзламалі халадзільнікі ў сотнях супермаркетаў. Замест мінусавой тэмпературы яны сталі даваць плюсавую
-
У Германіі затрымалі падазраваных у падпале станцыі Starlink у Польшчы. Яны іншаземцы
Каментары
Судя по тому, как лукашенко, упрямо, продолжает идти на провокации на польской границе и упрямо стоит на своём, то он угробит не только китайский транзит, белжд, но и остатки независимости Беларуси ....