Трамп выступіць на тэрмінова скліканай нарадзе найвышэйшага ваеннага кіраўніцтва ЗША
Прэзідэнт ЗША ў аўторак выступіць на нарадзе найвышэйшага ваеннага кіраўніцтва, тэрмінова скліканай міністрам абароны Пітам Хегсетам, паведамляе Associated Press са спасылкай на прадстаўніка Белага дома.
Сотні генералаў і адміралаў — старшых камандзіраў у званні ад адной зоркі і вышэй, а таксама іх галоўных дарадцаў — былі без папярэджання выкліканыя міністрам абароны Пітам Хегсетам з усяго свету на базу марской пяхоты ў Квантыка (штат Вірджынія).
Прадстаўнік Белага дома не меў паўнамоцтваў раскрываць планы прэзідэнта да публічнага абвяшчэння пра яго ўдзел і гаварыў на ўмовах ананімнасці.
У нядзельным інтэрв’ю NBC News Трамп сказаў, што яны (удзельнікі сустрэчы) «будуць гаварыць пра тое, як добра мы спраўляемся ў ваеннай сферы, пра тое, што мы ў выдатнай форме, пра шмат добрых, пазітыўных рэчаў».
У публікацыі адзначаецца, што ўдзел Трампа ў сустрэчы павышае верагоднасць палітызацыі мерапрыемства перад беспартыйнай аўдыторыяй ваенных кіраўнікоў.
Напрыклад, піша АР, у чэрвені ён выступіў перад вайскоўцамі ў Форт-Брэге, у Паўночнай Караліне, з прамовай у стылі перадвыбарчай кампаніі, у якой крытыкаваў свайго папярэдніка Джо Байдэна.
Трамп таксама пашырае прысутнасць вайскоўцаў у амерыканскіх гарадах, аргументуючы гэта неабходнасцю барацьбы са злачыннасцю ў месцах, дзе дэмакратычныя лідары не могуць забяспечыць грамадскую бяспеку.
-
Камандуючы НАТА Грынкевіч: У выпадку нападу Расіі ўдары будуць нанесеныя па Беларусі, Калінінградзе і Пецярбургу
-
Бацьку і сына Кабарчукоў, асуджаных у Беларусі за «тэрарызм», збіраюцца судзіць і ва Украіне
-
Цяжарная беларуска выйшла ў Гданьску на адзіночны пікет супраць доўгай выдачы ДНЖ. Яна чакае ўжо больш за 470 дзён
Каментары