Лукашэнка: Калі ЗША спатрэбіцца, Беларусь гатовая дапамагчы ў мірным урэгуляванні канфлікту ва Украіне
Беларусь гатовая прыняць удзел у мірным урэгуляванні канфлікту ва Украіне, калі гэта будзе запатрабавана з боку ЗША. Пра гэта заявіў Аляксандр Лукашэнка 14 кастрычніка падчас нарады, прысвечанай глабальнай міжнароднай сітуацыі і развіццю беларуска-амерыканскіх адносін.
«Калі амерыканцы хочуць урэгуляваць канфлікт ва Украіне і бачаць там нейкую невялікую нашу ролю, мы гатовыя ў гэтым удзельнічаць», — заявіў Лукашэнка.
Ён адзначыў, што афіцыйны Мінск прытрымліваецца пазіцыі: «Мір і толькі мір».
Паводле яго слоў, Украіна павінна застацца суверэннай і незалежнай дзяржавай, а вайна мусіць быць спынена як мага хутчэй. «У адваротным выпадку знікне гэтая незалежная суверэнная дзяржава», — сказаў ён.
Таксама ён заявіў, што гатовы заключыць вялікую здзелку з ЗША.
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары