У Мазыры ў будынку царквы адкрыўся расійскі дыскаўнтар «Доброцен»
«Лепей бы школа дзіцячай творчасці там адкрылася, студыя спеваў, але ніяк не «Доброцен» у будынку былой царквы».
У Мазыры адкрылася новая крама расійскай сеткі дыскаўнтаў «Доброцен». Яна запрацавала ў будынку, дзе раней была Новаапостальская царква, заўважыў «Белсат».
Пра адкрыццё крамы ў будынку, які займала пратэстанцкая Новаапостальская царква, паведаміла ў TikTok жыхарка Мазыра.
У каментарах абураюцца з нагоды трансфармацыі царквы ў краму. Людзі пішуць, што гэты будынак больш пасуе для музычнай школы або канцэртнай залі, бо там выдатная акустыка:
«У нас у Мазыры адкрываюць толькі крамы, відаць, у нас жывуць самыя галодныя людзі, ну а культура ў нас глыбока зарытая».
«Лепей бы школа дзіцячай творчасці там адкрылася, студыя спеваў, але ніяк не «Доброцен» у будынку былой царквы».
«Мы хадзілі туды на канцэрт арганнай музыкі. Там шыкоўная акустыка».
Расійская гандлёвая сетка «Доброцен» прыйшла ў Беларусь у 2019 годзе з адкрыцця першай сваёй крамы ў Бабруйску. Цяпер у нашай краіне ўжо больш за 50 крамаў гэтай кампаніі.
«Беларусь перадусім». Што вядома пра 23‑гадовага афіцэра спецназа, якога асудзілі на 19 гадоў за «здраду дзяржаве»8
Каментары