Як паведаміла прэс‑сакратар фестывалю Дар’я Візнер, удзел у тэатральным форуме, які будзе доўжыцца па 30 мая, возьмуць калектывы з Бельгіі, Латвіі, Польшчы, Расіі, Славеніі, Украіны, Эстоніі. Акрамя таго, на фестываль са сваімі апошнімі прэм’ерамі прыедуць усе беларускія тэатры.
Аматары лялечнага тэатра атрымаюць магчымасць убачыць пастаноўкі для дзяцей «Хітрая лісічка і дурны воўк» у выкананні калектыву з Рыгі (Латвія), «Спячая прыгажуня» (Талін, Эстонія), «Папялушка. Урыўкі з яе дзённіка», «Дзюймовачка» (у некаторых беларускіх вёсках кажуць Цалёвачка, Любляна, Славенія). Лялечны тэатр з Беластока (Польшча) возьме ўдзел у фестывалі са спектаклем «Фасад», расійскі тэатр з Кемерава — з пастаноўкай «Яўген Анегін», тэатр з Санкт‑Пецярбурга — са спектаклем «Ігра ў чатыры рукі».
У праграму фестывалю таксама ўключаны спектаклі «Антыгона» (Палтава, Украіна), «Лялечны балаганчык» і «Дон Жуан у Венецыі» (Архангельск, Расія), «Жанчына‑Крумкач» (Сэнт‑Віт, Бельгія).
Беларускія калектывы прывязуць на фестываль пастаноўкі: «Русалачка» (Брэст), «Кветачка‑вясёлка» (Віцебск), «Жывая вада» (Гомель), Poison (Магілёў), «Канёк‑гарбунок» (Маладзечна), «Магiчнае люстра пана Твардоўскага» (Гродна) і «Чаму старэюць людзi?» (Беларускі дзяржаўны тэатр лялек, Мінск).
Як паведаміла Дар’я Візнер, тэатральныя пастаноўкі ў рамках форуму будуць праходзіць на чатырох пляцоўках Мінска — у Беларускім дзяржаўным тэатры лялек, Нацыянальным акадэмічным тэатры імя Янкі Купалы, Нацыянальным акадэмічным тэатры імя Максіма Горкага і Новым тэатры.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады5
Каментары