У квартале паміж старасьвецкімі вуліцамі Інтэрнацыянальнай і Гарадзкі вал зноў ажыло будаўніцтва. Пэрымэтар гістарычнага цэнтру Менска будзе ўяўляць сабою суцэльны бэтонны шматузроўневы паркінг.
«Новую Эўропу», што цяпер па вуліцы Інтэрнацыянальнай, 3, пачалі будаваць яшчэ 15 гадоў таму. Але ў бурапене палітычных і эканамічных хваляў, пра яе забылі. Ці то інвэстара пасадзілі, ці то зьехаў. Аб’ект быў адабраны на карысьць дзяржавы. Цяпер толькі вырашылі зь ім нешта зрабіць, тэрмінова шукаючы чарговых інвэстараў. Стары праект гатэльчыку здаецца ўладам ужо задробным, без размаху. Таму на рагу Інтэрнацыянальнай і Гарадзкога валу неўзабаве мусіць паўстаць цалкам новы аб’ект: шматфункцыянальны бізнэс-цэнтар – з аб’ектамі гандлю, «общепита», офісамі й вялізарным шматузроўневым паркінгам.
Указам Лукашэнкі функцыі адзінага заказчыка па гістарычным цэнтры сталіцы вызначаны за Менгарвыканкамам, што ў сваю чаргу ...дэлегаваў іх адмыслова пад тое створанае прадпрыемства «Минская спадчина». Гэтае прадпрыемства й прыступае на маштабнай будоўлі сеткі вялікіх паркінгаў і офісаў у старасьвецкіх кварталах. Шматпавярховы паркінг ад новага гмаху на Інтэрнацыянальнай злучыцца з паркінгам на Нямізе празь яшчэ адзін вялікі паркінг, што разьляжыцца ад Гарадзкога валу ўздоўж Нямігі да Камсамольскай. Натуральна, пры тым прадугледжваецца «частковы» знос старых будынкаў. Гэткім чынам пэрымэтар гістарычнага цэнтру Менска будзе ўяўляць сабою суцэльны бэтонны шматузроўневы паркінг.
Практыка рэальнага будаўніцтва сьведчыць пра тое, што заўсёды рэальны маштаб навабудаў у старой частцы горада перавышае праектны. На карцінцы адно, а насамрэч – іншае. Але нават на праектах відаць наколькі несувымерна вялікім будзе гмах на рагу Інтэрнацыянальнай і Гарадзкога валу. Усе відавыя й пэрспэктыўны сувязі паміж гістарычнымі дамінантамі (вежы храмаў, Пішчалаўскага замку, бэльвэдэра КДБ ды г.д.) будуць перарваныя. Зрэшты і сам цэнтар Менска набудзе цалкам новае, нечаканае аблічча, нічым не зьвязанае з усёй сваёй гісторыяй. Падобна, што і самі праектанты й чынавенства не ўяўляюць сабе чым гэта ўсё скончыцца.
❏
Глядзі яшчэ:
На месцы млына Мянеска паставяць «уголок Москвы»
Аграгарадок замест габрэйскага банку
Цяпер чытаюць
Сталі вядомыя падрабязнасці пра трагедыю ў Полацкім манастыры13
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары