Пра гэта сёння паведаміў старшыня Мінгарвыканкама Мікалай Ладуцька на аператыўнай нарадзе ў мэрыі.
Будаўніцтва першых двух гарадоў‑спадарожнікаў Мінску пачнецца ў лістападзе бягучага года. Пра гэта сёння паведаміў старшыня Мінгарвыканкама Мікалай Ладуцька на аператыўнай нарадзе ў мэрыі.
«Мы плануем ў лістападзе пачаць працу па двух тэрыторыях гарадоў‑спадарожнікаў. А ў наступнай пяцігодцы — яшчэ па двух гарадах‑спадарожніках», — сказаў Мікалай Ладуцька. У гэтай сувязі ён даручыў ДВА «Мінскбуд» і адміністрацыі Партызанскага раёна, якія распрацоўвалі планы мерапрыемстваў па асваенню тэрыторый першых двух гарадоў‑спадарожнікаў, на гэтым тыдні даць справаздачу аб праведзенай у гэтым напрамку працы.
Як стала вядома, праектаваннем першага горада‑спадарожніка ў Смалявічах займаецца гродзенскі праектны інстытут. А ўзводзіць яго будзе «Мінскбуд» — мяркуецца пабудаваць каля 200 тыс.кв.м жылля (дамы вышынёй ад 5 да 9 паверхаў). Адміністрацыя Партызанскага раёна курыруе другі праект: у раёне Кургана Славы вызначаны ўчастак зямлі ў 500 га для будаўніцтва пасёлка індывідуальных жылых дамоў.
Будаўніцтва гарадоў‑спадарожнікаў — гэта комплексны праект, які прадугледжвае стварэнне ўсёй неабходнай сацыяльнай (школа, дзіцячыя сады, паліклініка) і інжынерна‑транспартнай інфраструктуры.
У цяперашні час тэрыторыя сталіцы складае прыкладна 350 кв.км. Да 2030 года яна павялічыцца на 200 км ² да 550 кв.км. Далей горад, згодна з генпланам, тэрытарыяльна развівацца не будзе. На думку архітэктараў, колькасць насельніцтва Менска не павінна перавысіць 2 млн. чалавек, а штогадовыя аб’ёмы будаўніцтва жылля — не больш за 1,2 млн.кв.м. Таму, улічваючы вострую жыллёвую праблему, вырашана фінансавыя і будаўнічыя рэсурсы накіраваць на асваенне тэрыторый, прылеглых да горада, — гарады‑спадарожнікі.
Першы эксперыментальны жылы раён намечана пабудаваць у Смалявічах. На яго прыкладзе пратэстуюць, наколькі ў насельніцтва Мінска будзе запатрабавана такое жыллё. Аднак эксперты сцвярджаюць, што механічна мінчукоў нельга прымусіць пераехаць на месца жыхарства ў прыгарад. «Калі на прапанаваных тэрыторыях ўмовы не будуць хаця б роўныя умовам сталіцы, то нічога з гэтай задумы не атрымаецца. Альбо гэта жыллё павінна давацца на больш ільготных умовах», — перакананы старшыня камітэта архітэктуры і горадабудаўніцтва Мінгарвыканкама, галоўны архітэктар сталіцы Віктар Нікіцін.
Гарадамі‑спадарожнікамі Мінска нараўне са Смалявічамі прэтэндуюць стаць Заслаўе, Лагойск, Дзяржынск.
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы3
Каментары