Цесця прынца Гары арыштавалі ў ЗША па падазрэнні ў захоўванні дзіцячай парнаграфіі
82‑гадовы Томас Маркл — старэйшы, бацька герцагіні Сасэкскай Меган Маркл, быў арыштаваны ў штаце Фларыда. Яго падазраюць у захоўванні матэрыялаў з выявамі сэксуальнага гвалту над дзецьмі. Пра арышт спачатку паведамілі тры крыніцы тэлеканалу CBS News, а пазней гэту інфармацыю пацвердзіла Міністэрства юстыцыі ЗША, піша Бі-бі-сі.
На фотаздымках, апублікаваных выданнямі Daily Mail і The Sun, меркавана, зафіксаваны Маркл у кайданках, які сядзіць у інвалідным вазку ў атачэнні супрацоўнікаў ФБР.
Міністэрства юстыцыі ЗША паведаміла, што яму выстаўлена адно абвінавачанне — у захоўванні дзіцячай парнаграфіі. Паводле інфармацыі ведамства, мужчына захоўваў матэрыялы, у тым ліку сэксуальнага характару з выявамі непаўналетніх дзяўчат, у двух арандаваных складскіх памяшканнях у раёне Лос-Анджэлеса. Ён карыстаўся імі амаль два дзесяцігоддзі.
Раней Томас Маркл катэгарычна адмаўляў усе абвінавачанні і называў сцвярджэнні пра захоўванне матэрыялаў сэксуальнага гвалту над дзецьмі «жахлівай хлуснёй».
Першым пра магчымую наяўнасць схованкі з кампраметацыйнымі фотаздымкамі ў доме бацькі на Філіпінах паведаміў зводны брат Меган Маркл — Томас Маркл-малодшы. Паводле ягоных слоў, сярод знойдзенага былі відэазапісы і фотаздымкі, звязаныя з гвалтам над дзецьмі. Мяркуецца, што ў ліпені ён звярнуўся з гэтай інфармацыяй у Федэральнае бюро расследаванняў ЗША. ФБР пазней пацвердзіла, што ведае пра гэтыя абвінавачанні.
У кастрычніку Меган Маркл расказала, што яшчэ ў пачатку 2019 года атрымала ліст ад уладаў, у якім яе папярэдзілі пра «трывожныя абвінавачанні».
Пасля з'яўлення паведамленняў пра падазрэнні ў дачыненні да бацькі герцагіня заявіла, што глыбока ўзрушаная гэтай інфармацыяй і найперш думае пра дзяцей, якія маглі пацярпець. Яна таксама выказала спадзяванне, што людзі зразумеюць прычыны, з якіх яна амаль цалкам спыніла кантакты з бацькам.
Бацьку Меган Маркл абвінавацілі ў сэксуальным гвалце над дзецьмі. Яна не стала маўчаць
Дзеці Гары і Меган змянілі школу праз некалькі дзён пасля пачатку года. Прычына — інтэнсіўны дарожны рух
Меган Маркл можа вярнуцца ў кіно: герцагіня вядзе перамовы пра здымкі ў «Джэнтльменах» Гая Рычы
Прынц Гары і Меган Маркл вяртаюцца ў Вялікабрытанію пасля шасці гадоў добраахвотнага выгнання
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»26
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары