Карэспандэнт «НН» наведаў індыйскі нацыянальны рэстаран у Менску.
Дзень індыйскай кухні, што святкаваўся 17 жніўня ў рэстаране Taj, меў сваёй мэтай не толькі прадэманстраваць усё багацце індыйскай кухні, але і святкаванне Дня незалежнасці Індыі (15 ліпеня).Само афармленне рэстарана і ў звычайныя дні адразу пераносіць наведвальнікаў у атмасферу Індыі, а ў гонар Дня незалежнасці падабенства стала поўным. Тым больш што праводзілася свята ў межах конкурсу «Прадукт года — 2010». Індыйская кухня — трэцяя па папулярнасці ў свеце: тут і вострыя, і салодкія стравы, і прасмажаныя спецыі, і нацыянальны хлеб, што вырабляецца адразу тут. Спецыяльна для захавання аўтэнтыкі, ў рэстаране ўсталяваная традыцыйная індыйская печ «тандур». Галоўны ж сакрэт індыйскай кухні, па словах супрацоўнікаў «Таджа», — гэта тыя эмоцыі, якія ўкладае кухар у сваю працу — менавіта ад іх залежыць якасць і смак гатовай стравы. Тое ж самае растлумачыў і прысутны на свяце паўнамоцны амбасадар Індыі Рамеш Чандэр. Адміністрацыя рэстарана прапанавала
Бульбяны суп
Што трэба ўзяць:
Вада — 800 грамаў
Бульба — 4 штукі
Масла — 3 лыжкі
Рэпчатая цыбуля — 2 штукі
Морква — 2 штукі
Кетчуп — 3 лыжкі
Соль — палова гарбатнай лыжкі
Молаты чорны перац — чвэрць гарбатнай лыжкі
Нацерты сыр — 3 гарбатныя лыжкі
Бульбу трэба зварыць і прапусціць праз сіта альбо зрабіць пюрэ, паступова развесці кіпнем. Растапіць масла і абсмажыць цыбулю і моркву да з’яўлення карычневай скарыначкі, змяшаць з супам (пюрэ). Дадаць кетчуп, соль, перац і зноў варыць 5–10 хвілін. Гатовы суп пасыпаць сырам.
Бараніна, запечаная ў віне.
Бараніна — 8 кавалкаў (на чатыры персоны)
Чырвонае віно — 2 лыжкі
Соль — 1 гарбатная лыжка
Вада — 8 лыжак
Алей — 1 лыжка
Лімонны сок — 2 лыжкі
Па вялікай шчэпці парашку імбіру і часнаку, сумесі вострых прыправаў і чорнага перцу.
Зрэжце з бараніны залішні тлушч, прамыйце яе і абсушыце ручніком. 30 хвілін марынуйце бараніну ў лімонным соку з вострымі прыправамі. Пракаліце кожны кавалак бараніны некалькі разоў відэльцам і пакладзіце ў вогняўстойлівы посуд. Зверху налейце змяшанага з вадой віна і дадайце алею.
Змясціце бараніну ў духоўку, нагрэтую да 230 градусаў, і гатуйце цягам 1,5 гадзіны.
У якасці гарніру рэкамендаваныя рыс і салата.
Каментары