МУС возьмецца за беспрацоўных і тых, хто працуе за мяжой нелегальна.
Найбліжэйшым часам МЗС мае намер правесьці маніторынг працоўнай занятасьці насельніцтва рэспублікі і на падставе вынікаў падрыхтаваць прапановы ў заканадаўства для навядзеньня парадку ў гэтай сфэры. Пра гэта паведаміў першы намесьнік начальніка Дэпартамэнту па грамадзянстве і міграцыі МУС Беларусі Аляксей Бягун.
Паводле ягоных слоў, сёньня каля 1 мільёна беларускіх грамадзян ня ўцягнутыя ў легальную працоўную дзейнасьць. Да іх адносяцца ня толькі тыя, хто вядзе хатнюю гаспадарку, стаіць на біржы працы, часова знаходзіцца ў пошуках працы, але і тыя, хто працуе нелегальна, у тым ліку за мяжой. У Расеі нелегальна зарабляюць да 300 тысяч беларускіх грамадзян (афіцыйна зарэгістравана каля 3-4 тысяч), у іншых краінах — каля 7 тысяч.
Грамадзяне, якія займаюцца нелегальнай дзейнасьцю, не заяўляюць пра крыніцу даходаў, ня плацяць падаткі ў бюджэт, пэнсійны фонд. У той жа час яны карыстаюцца вызначанымі беларускім заканадаўствам ільготамі, сацыяльнымі гарантыямі.
Аляксей Бягун адцеміў, што ініцыятыва МУС закліканая навесьці парадак як у сфэры працоўнай дзейнасьці ўвогуле, так і ў працоўнай міграцыі ў прыватнасьці. Ня мусіць быць дысбалянсу, калі адныя грамадзяне падтрымліваюць бюджэт, а іншыя адно карыстаюцца дзяржаўнымі гарантыямі. Разам з тым супольна з Расеяй робяцца крокі, каб дапамагчы грамадзянам легалізаваць сваю працоўную дзейнасьць, стварыць магчымасьці для цывілізаванай выплаты падаткаў, рэгістрацыі і ўліку.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м66
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары