Менавіта так анансуецца фільм, які мае паказаць сёння БТ.
БТ сёння пакажа дакументальны трылер пра маліпуляцыі грамадскай свядомасцю ў палітычных мэтах.У трэйлеры да фільма бачна, што псіхалогію супрацоўнікі Агенцтва тэленавінаў збіраюцца паказваць з дапамогай кадраў з апазіцыйных акцый і суда над Арцёмам Дубскім.
У праграме навінаў Беларускага тэлебачання сёння пасля праграмы Панарама стаіць фільм Агенцтва тэленавінаў «Псіхалогія дэвіяцыі». У анатацыі на сайце значыцца, што псіхалагічны трылер pаскажа
ўсе таямніцы «спружынаў ненармальных паводзінаў»: дзіцячыя адхіленні ў паводзінах, якія застаюцца на ўсё жыццё, прычыны па якіх дарослыя здзяцінелі, а таксама бадзяжніцтва, самаразбурэнне, агрэсію ў пясочніцы, гістэрыкі і суіцыідальныя схільнасці.
Калі адкрыць трэйлер да фільма, то аказваецца, што ўсе гэтыя нерадасныя псіхалагічныя тэрміны тычацца непасрэдна апазіцыйных акцый. На фоне закадравага пра першую частку дакументальнага фільма паказваюць кадры з апазіцыйных акцый, а таксама буйным планам актывіста «Маладога фронта» Арцёма Дубскага.
Як патлумачылі журналісту «Нашай Нівы» ў Агенцтве тэленавінаў, фільм насамрэч прысвечаны псіхалагічнаму складніку палітычных правакацый:
«На прыкладах, будуць паказаны псіхалагічныя моманты палітычных акцый і хто якія дывідэнды атрымлівае ад іх. А таксама раскажуць пра маніпуляцыю грамадскай свядомасцю ў палітычных мэтах».
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву4
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары