Пасьля шырокага інфаркту сэрца жыхар украінскага Закарпацьця некалькі дзясяткаў разоў трапляў у стан клінічнай сьмерці, пасьля чаго вяртаўся да жыцьця.
Пасьля шырокага інфаркту сэрца жыхар украінскага Закарпацьця некалькі дзясяткаў разоў трапляў у стан клінічнай сьмерці, пасьля чаго вяртаўся да жыцьця.
Барацьба Юрыя Фядакі зь сьмерцю цягнулася роўна два тыдні. Нягледзячы на намаганьні лекараў шпіталя ў Ужгарадзе, пасьля перажытага інфаркту ягонае сэрца не хацела вяртацца да нармальнага рытму працы. Спынялася, каб празь некалькі хвілінаў зноў «рушыць».
Найгоршым было для Фядакі першае спыненьне сэрца, якое доўжылася цэлых чатыры хвіліны. Пазьней, як сьцьвярджае сам, ён навучыўся адчуваць сымптомы надыходзячай сьмерці.
«Я адчуваў, калі гэта набліжалася. Адчуваў дзіўную энэргію ў шыі, што даходзіла да задняй часткі галавы, а пасьля як быццам нехта нешта выключаў», – прыгадвае пацыент.
«У той час я бачыў, як выходзіў з тунэлю на паляну. Такая ярка-зялёная трава, кветкі, як нарцысы. І галубы лёталі. І толькі калі я глядзеў на ўзгорак, візія зьнікала», – кажа Фядака.
Прадчуваньне надыходзячай сьмерці дапамагло яму ўратаваць жыцьцё. Адчуваючы ўжо вядомыя яму сымптомы, Фядака кожны раз пасьпяваў выклікаць хуткую дапамогу.
Лекары кажуць, што яшчэ ніколі дагэтуль не сутыкаліся з такім выпадкам. Яны ўзгадваюць, што аднойчы яны здолелі вярнуць да жыцьця пацыента, які тры разы трапляў у стан клінічнай сьмерці.
Выпадак Фядакі, аднак, не падстава для гонару кардыёлягаў з Ужгараду. «Мы не маглі падабраць адпаведных лекаў адразу. Аднак мы стараліся, і, як бачна, чалавек жыве і цешыцца жыцьцём», – сказаў Аляксандар Сабінін, ардынатар аддзелу кардыялёгіі шпіталя ў Ужгарадзе.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2323
Каментары