Выступ Дзмітрыя Уса не прагучаў сёння ў радыёэфіры, Мікалай Статкевіч паўтарыў тэзісы свайго тэлевізійнага выступу па-беларуску, распавёўшы той жа анекдот, што і Рыгор Кастусеў.
Цяжка сказаць, ці Дзмітрый наогул вырашыў сысьці з дыстанцыі, альбо ён проста не скарыстаўся сваім правам выступу ў радыёэфіры. Бо тое, што ён зачытаў па тэлебачаньні, ніяк не назавеш выступам кандыдата ў прэзыдэнты. Прэтэндэнт на такую высокую пасаду павінен усё ж быць публічным палітыкам. А ў Дзмітрыя Уса гэта не атрымліваецца. Калі паглядзець на ягоную дэкларацыю аб прыбытках, маёмасці – бачна, што ён паспяховы бізнэсовец, але гэтага мала, каб стаць кандыдатам. Таму будзе ён удзельнічаць далей у выбарчай кампаніі альбо не – гэта ніяк не паўплывае на яе хаду.
Калі параўнаць выступы Мікалая Статкевіча па тэлебачаньні 2 дні таму і сёньня па радыё – яны практычна аднолькавыя, за адным выключэньнем.
Сёньня Статкевіч цалкам прамаўляў па-беларуску, а па тэлебачаньні казаў на расейскай мове зь невялікай устаўкай па-беларуску. І былі сёньня яшчэ 2 новых моманты: тое, што ён заявіў пра намер паразмаўляць пра карупцыю ў наступным выступе, а таксама распавёў той жа анэкдот, што і Рыгор Кастусеў учора па тэлебачаньні: пра тое, што людзям хочацца жыць у Беларусі – але ня ў той, якую яны ведаюць, а ў той, якую паказваюць па БТ.
Цяпер чытаюць
«Я не прадугледзела толькі аднаго: што менавіта гэты кружочак выкарыстаюць супраць мяне». Споведзь Аліны Харысавай пасля скандалу з КДБ16
Каментары