«Улады вельмі часта выкарыстоўваюць вас, як барыкаду».
Кандыдат у прэзідэнты Мікалай Статкевіч заклікаў аўтааматараў не карыстацца асабістым транспартам вечарам 19 снежня ў цэнтры Мінска, ці выключыць са сваіх маршрутаў раён Кастрычніцкай плошчы.
Пра гэта ён заявіў 14 снежня падчас дэбатаў кандыдатаў у прэзідэнты ў
«Улады вельмі часта выкарыстоўваюць вас як барыкаду. Яны спыняюць рух, машына да машыны, праспект Незалежнасці заняты. Калі ласка, 19 снежня ў раёне 20 гадзін не ездзіце на аўтамабілях у раёне Кастрычніцкай плошчы і наогул на гэтым участку праспекта.
Можаце ператварыцца ў гэтую барыкаду і будзеце стаяць у пробцы некалькі гадзін, чакаць, калі вас выпусцяць», — сказаў Статкевіч.
Пры гэтым усе кандыдаты ў прэзідэнты, якія ўдзельнічалі ў дэбатах, — Віталь Рымашэўскі, Мікалай Статкевіч і Яраслаў Раманчук — заклікалі беларускіх грамадзян прыходзіць на Кастрычніцкую плошчу 19 снежня ў 20 гадзін. Яны падкрэслівалі, што фармат акцыі будзе выключна мірны.
«Усё вырашыцца не 20 снежня, не 21 і не ў іншы дзень, а менавіта 19 снежня», — заявіў Статкевіч.
Цяпер чытаюць
Мінск у сераду вечарам пагрузіўся ў цемру. Пасля загаду Лукашэнкі51
Мінск у сераду вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары