Сёлета сьвяточны Дзень Волі 25 сакавіка нашая Бацькаўшчына сустракае ў становішчы халоднай грамадзянскай вайны. Лепшыя сыны і дочкі Беларусі, кінутыя за краты і ілжыва абвінавачаныя ў крымінальных злачынствах.Ужо вынесеныя прысуды сьведчаць пра тое, што разгляд гэтых справаў не мае нічога агульнага з правасуддзем, справядлівасьцю і маральнасьцю.
Канфрантацыя і раскол у беларускім грамадзтве праз гвалтоўныя дзеяньні ўладаў дасягнулі надзвычай высокага ўзроўню.
У гэтай сытуацыі гадавіна абвяшчэньня Беларускай Народнай Рэспублікі, якая заўжды была і будзе сьвяточнай датай для кожнага беларускага грамадзяніна, робіцца днём пратэсту і адказнасці. Чым менш людзей будзе затрымана альбо пабіта на мерапрыемстве, тым больш гэта будзе спрыяць таму, што пратэставая хваля будзе расьці.
Сілавыя дзеяньні ўладаў, як паказаў досьвед 19, шмат у чым грунтуюцца на правакацыях.
Палітычная апазыцыя мусіць у гэтых варунках праявіць адказнасць і не ахвяраваць лёсамі людзей. Сьпеласьць сёньняшніх дзеячоў апазыцыі, што засталіся на волі, вымяраецца не колькасьцю маладых людзей і дзяўчын, кінутых за краты — а еднасьцю і кансалідацыяй на глебе агульнай стратэгіі далейшай палітычнай барацьбы.
Мы падтрымліваем пазыцыю, агучаную кіраўніцтвам
Мы заклікаем усіх грамадзянаў Беларусі адзначыць гадавіну абвяшчэньня Беларускай Народнай Рэспублікі ўрачыстым ускладаньнем кветак да помніку Янку Купалу ў Менску,а таксама да помнікаў выбітным дзеячам Беларусі і памятных месцаў, што зьвязаныя з гісторыяй беларускай незалежнасьці, па ўсёй краіне. Няхай кожны беларус у дзень 25 сакавіка не толькі ўзгадае пра змагароў мінуўшчыны, але і распавядзе блізкім, сябрам, сваякам ды суседзям пра вязьняў, якія цяперашні рэжым кінуў за краты
Мы найстойліва запрашаем усе адказныя палітычныя партыі і рухі да кансалідацыі на глебе ўзгодненай стратэгіі дзеля хутчэйшага вызваленьня ўсіх палітзняволеных, дзеля перашкоды гандлю нацыянальнымі інтарэсамі, дзеля свабоды і незалежнасьці нашай Айчыны.
За неадкланае і безумоўнае вызваленьне ўсіх палітычных вязьняў!
За вольную і незалежную Беларусь!
Жыве Беларусь!
Аляксей Янукевіч, ПартыяБНФ
Леў Марголін, АГП
Дзяніс Садоўскі, БХД
Андрэй Дзмітрыеў, кампанія «Гавары праўду»
Аляксандар Макаеў, Рах салідарнасьці «Разам»
Каментары