У спаборніцтве паляўнічых сабак узялі ўдзел 87 ганчакоў і 188 лаек.
У спаборніцтве паляўнічых сабак узялі ўдзел 87 ганчакоў і 188 лаек.
Унікальнае мерапрыемства для паляўнічага сабакаводства Беларусі прайшло 26 сакавіка ў Магілёве. Адбылося адразу два Рэспубліканскіх чэмпіяната. У адным з іх спаборнічалі паляўнічыя ганчакі, у другім паляўнічыя лайкі.
Выстава сабрала на рэдкасць вялікую колькасць сабак. На момант пачатку спаборніцтваў было зарэгістравана 87 ганчакоў і 188 лаек. Сярод удзельнікаў былі заводчыкі сабак практычна з усіх абласцей Беларусі, за выключэннем Гродзенскай. Таксама былі прадстаўнікі Расіі — з Бранскай і Пскоўскай вобласці.
Вялікая колькасць удзельнікаў абумоўлена, у большай ступені, тым, што экспертамі выставы былі вельмі вядомыя спецыялісты, што падвышала статус мерапрыемства. Так, ганчакоў ацэньваў эксперт Міжнароднай катэгорыі Барыс Бяляеў з Мінска, а лаек — легенда савецкага лайководства, эксперт міжнароднай катэгорыі Святлана Войлачнікава з Расіі.
Як распавяла эксперт міжнароднай катэгорыі, галоўны кінолаг Беларускага таварыства паляўнічых і рыбаловаў Таццяна Чумакіна, мэтай дадзенай выставы з'яўляецца не толькі вызначэнне чэмпіёнаў сярод сабак у сваёй пародзе, але таксама, так як гэта і племянное мерапрыемства, даць магчымасць уладальнікам сабак і экспертам ацаніць пагалоўе, да чаго мы ідзем. Слушным шляхам ідзем ці ў пародзе ёсць праблемы, якія неабходна нейкім чынам вырашаць. Акрамя таго, Таццяна Чумакіна адзначыла, што такая выстава, з'яўляецца яшчэ і выдатным шоў, у якім удзельнічаюць не толькі ўладальнікі сабак, але і звычайныя людзі, якім прыходзяць паглядзець на лепшых сяброў чалавека.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары