Уладальніка тэлефона, што знаходзіўся ў зоне дзеяння Плошчы, забралі з хаты міліцыянты
У Мінску ў кватэры па вуліцы Бялецкага супрацоўнікі міліцыі збілі і затрымалі жыхара Слуцка Вадзіма Раманава.
Вадзіма Раманава супрацоўнікі праваахоўных органаў некалькі разоў запрашалі для размовы ў сувязі з тым, што яго тэлефон знаходзіўся ў раёне плошчы, дзе праходзіла акцыя пратэсту 19 снежня. Малады чалавек адмаўляўся, паколькі быў заняты на працы і здаваў сэсію.
31сакавіка каля 21.00 Вадзіму Раманаву патэлефанавалі на хатні нумар тэлефона ў Мінску і запрасілі з’явіцца для размовы ў РАУС 1 красавіка ў 9.30. Ён пагадзіўся. Праз некалькі хвілін у дзверы пастукалі.
Па словах Галіны Ісаевай, дзяўчыны Вадзіма Раманава, дзверы ледзь не выламвалі. «Праз 10 хвілін мы адкрылі, — распавядае Галіна. — У кватэру ўварваліся двое: адзін у міліцэйскай форме, другі ў чорным. Яны не прадставіліся і патрабавалі нашы пашпарты. «Дзе жывем? Дзе вучымся? Дзе працуем? Хто вы такія?» - Пыталіся гэтыя людзі, калі мы пацікавіліся, на якой падставе павінны прад’яўляць дакументы».
Як распавяла Галіна, госці рыліся ў іх рэчах, шукаючы пашпарты. На яе вачах міліцыянты збілі Вадзіма. «Спачатку той, што ў чорным, ударыў яго нагой у жывот. Потым яны штурхалі яго нагамі, павалілі на падлогу, заламалі рукі і надзелі кайданкі. Яму нават не далі абуцца! — Кажа Галіна. — Ён употай ўзяў тэлефон і патэлефанаваў мне з аддзялення. Сказаў, што сядзіць на голай падлозе ў калідоры. Потым мабільнік у яго забралі».
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары